Qurdlar vadisi: İraq (Kurtlar Vadisi Irak) (tərcümə)

Kurtlar Vadisi Irak, rejissorluğunu Serdar Akarın üzərinə götürdüyü 2006-cı il istehsalı türk aksiyon və müharibə filmidir. Raci Şaşmaz ilə Bahadır Özdenerin ssenarisini yazdığı, Pana Film tərəfindən istehsal edilən film eyniadlı populyar televiziya serialının kino adaptasiyasıdır və seriyanın kino ayağının ilk halqasını təşkil edir. Dövrün ən yüksək büdcəli türk filmi kimi göstərilən filmin çəkilişləri Gaziantepin Nizip rayonunda aparılmışdır.

Hekayə 4 iyul 2003-cü ildə Şimali İraqda ABŞ qüvvələrinin on bir türk əsgərinin başına kisə keçirərək saxladığı real hadisəyə əsaslanır. Bu qürurqırıcı hadisəni yaşayan Baş leytenant Süleyman Aslanın intiharının ardından Polat Alemdar adamları ilə birlikdə məsul amerikalı komandirdən hesab soruşmaq üçün İraqa gedir. Filmdə Əbu-Qreyb həbsxanası qalmaqalı kimi dövrün real hadisələrinə də istinadlar var. Necati Şaşmazın baş rolu üzərinə götürdüyü filmdə Billy Zane, Ghassan Massoud, Gary Busey və Bergüzar Korel də yer alır.