Qurdlar vadisi (Kurtlar Vadisi) (tərcümə)

Kurtlar Vadisi, 15 yanvar 2003-cü ildə Show TV-də "Bu bir mafiya serialıdır" şüarı ilə yayım həyatına başlayan; aksiyon, dram və siyasi janrları vəhdət altında birləşdirən bir türk televiziya serialıdır. Osman Sınav ilə Raci Şaşmaz tərəfindən yaradılan, rejissorluğunu Osman Sınavın üzərinə götürdüyü və ssenarisini Raci Şaşmazın yazdığı əsər Sinegraf və Pana Film imzasını daşıyır.

Serial, Kosovada diplomat kimi çalışarkən əslində gizli xidmət KGT adına fəaliyyət göstərən kəşfiyyatçı Ali Candanın hekayəsini danışır. Rəisi Aslan Akbeyin əmri ilə türk mafiyasını dağıtmaq tapşırığı ilə ölkəyə qayıdan Candan, keçirdiyi əməliyyatlarla üzü və səsi dəyişdirilərək Polat Alemdar kimliyinə bürünür; mafiya şurasına sızmak üçün yeraltı dünyada pillələri bir-bir qalxarkən məşhur mafiya qatili Süleyman Çakırın ortağı olur. Bu prosesdə sirrlərini ailəsindən və sevdiyi qadın Elif Eylüldən də gizlətməyə məcbur qalır. Serial, dərin dövlət müzakirələrinə və Türkiyə gündəlinə birbaşa və dolayı göndərişləri ilə diqqət çəkmişdir.

Cəmi 4 mövsüm və 97 bölüm davam edən serialın ilk üç mövsümü Show TV-də yayımlanmış; son mövsüm isə Türk televiziya tarixində ilk dəfə olaraq 4 milyon dollar müqabilində Kanal D-yə keçmişdir. Final bölümü 29 dekabr 2005-ci ildə ekrana gəlmişdir.

Türkiyənin ən çox izlənilən seriallarından birinə çevrilən əsər, Ərəb dünyasından Latın Amerikasına və Qafqaziyaya qədər uzanan bir mədəni fenomenə çevrilmiş; Serbiyada da 2012-2014-cü illər arasında ekrana gəlmişdir. Serialda Şimali Kiprin qurucu prezidenti Rauf Denktaşın yanında Andy García və Sharon Stone kimi beynəlxalq ulduzlar qonaq aktyor kimi iştirak etmişdir. Kurtlar Vadisi daha sonra Kurtlar Vadisi Pusu adlı davam serialı ilə Irak, Gladio, Filistin və Vatan kimi bədii filmləri əhatə edən geniş bir seriyaya çevrilmişdir.