Mustafa

Mustafa, Can Dündarın yazıb idarə etdiyi və NTV-nin istehsalçılığını üstləndiyi 2008-ci il istehsalı türk sənədli filmidir. Müasir Türkiyənin qurucusu və ilk prezidenti Mustafa Kemal Atatürkün həyatını erkən illərindən ölümünə qədər ələ alan ilk sənədli film olma xüsusiyyətini daşıyan film, liderin hərbi və siyasi cəhətlərindən çox insani ölçüsünə fokuslanan yanaşması ilə diqqət çəkmişdir. Çəkilişlər Yunanıstan, Makedoniya və Türkiyədə həyata keçirilmiş, musiqilərini Balkan mənşəli musiqiçi Goran Bregović bəstələmişdir. Film 2008-ci il Antalya Altın Portakal Film Festivalında təqdim edilmiş və Cümhuriyyətin 85-ci ildönümünə təsadüf edən 29 oktyabr 2008-ci ildə ekranlara çıxmışdır.

Atatürkün şəxsi həyatına əyilən bu səmimi baxış, Türkiyədə geniş ictimai müzakirə yaratmış; bəzi dairələr filmi lideri bir insan kimi göstərdiyi üçün təriflərkən, bəziləri rəsmi narrativdən uzaqlaşmasını tənqid etmişdir. Mübahisələrə baxmayaraq sənədli film ilk günündə 150 mindən çox tamaşaçıya çatmış və güclü kassa performansı sərgiləmişdir.