Qızıl Geyimli Qadın (The Woman in Gold) (tərcümə)

The Woman in Gold (Türkiyədə Altınlı Kadın), Simon Curtisin çəkdiyi, ssenarisini Alexi Kaye Campbellin yazdığı 2015-ci il tarixli İngilis-Amerika bioqrafik məhkəmə dramıdır. Real hadisələrə əsaslanan film nasistlərin talan etdiyi bir sənət əsərinin sahibinə qaytarılması üçün aparılan ədalət mübarizəsindən bəhs edir. Dünya premyerası 9 fevral 2015-ci ildə Berlin Kino Festivalının Berlinale Special Galas bölməsində keçirildi; 2015-ci ilin aprelində ekranlara çıxdı.

Hekayə Los-Ancelesdə yaşayan yaşlı Yəhudi qaçqın Maria Altmanı (Helen Mirren) izləyir. Vyanadan Nazi hakimiyyəti üzündən ayrılmaq məcburiyyətində qalan Maria təxminən altmış il sonra ailəsindən alınan mallarını və xüsusilə xalası Adele Bloch-Bauerin Gustav Klimt tərəfindən təsvir edildiyi məşhur tabloyu geri istəməyə qərar verir. Bu işdə ona gənc və təcrübəsiz vəkil Randy Schoenberg (Ryan Reynolds) kömək edir. İkili Avstriya hökuməti ilə təxminən on il çəkişir və iş ABŞ Ali Məhkəməsinə qədər uzanır. Mübarizə Maria üçün keçmişinin sirləri ilə üzləşməyə də çevrilir. Heyətdə Daniel Brühl, Katie Holmes, Tatiana Maslany, Max Irons, Charles Dance, Elizabeth McGovern, Jonathan Pryce və Moritz Bleibtreu da yer alır.

Çəkilişlər Vyana, Los-Anceles, Beverli-Hillz və Londonda aparıldı. Prodüserlər arasında Origin Pictures və BBC Film var. Helen Mirren rolu ilə Ekran Aktyorları Gildiyası mükafatına namizəd göstərildi.