4 Blloqe (4 Blocks) (përkthyer)

4 Blocks është një serial krimi e drame që u shfaq mes viteve 2017–2019 në kanalin gjerman të televizionit me pagesë TNT Serie (më vonë Warner TV Serie), në tri sezone dhe gjithsej 19 episode. Regjisorët e serialit, prodhimin e të cilit e mori përsipër Wiedemann & Berg Television, janë Marvin Kren, Oliver Hirschbiegel e Özgür Yıldırım, ndërsa skenarist është Benjamin Hessler. Seriali, episodet e para të të cilit u shfaqën në Berlinale në vitin 2017, doli në ekran me sezonin e parë më 8 maj 2017 dhe u takua me shikuesit ndërkombëtarë përmes Amazon Prime Video.

Seriali ndjek Ali "Toni" Hamadin (Kida Khodr Ramadan), udhëheqësin e një klani të lidhur me familjet arabe të krimit në lagjen Neukölln të Berlinit. Ndërsa Toni planifikon ta lërë botën e krimit dhe të ndërtojë një jetë të zakonshme me gruan e vajzën, arrestimi i kunatit e detyron ta shtyjë këtë plan dhe ta përfshijë mikun e vjetër Vince Kerner në punët e familjes; kjo e shqetëson të vëllanë, Abbasin, që pret radhën për udhëheqjen. Seriali, që fitoi lavdërimet e kritikëve në Gjermani dhe u krahasua me Gomorra, mori shumë çmime, mes tyre Grimme-Preis dhe gjashtë Deutscher Fernsehpreis. Në trupë janë edhe Almila Bağrıaçık, Maryam Zaree, Ercan Durmaz e Nik Xhelilaj.