Nëntëdhjetë e Nëntë Mustafa (Doksan Dokuz Mustafa) (përkthyer)

Doksan Dokuz Mustafa është një dramë turke bardh e zi e xhiruar në vitin 1958; temat e saj kryesore janë familja, fëmija dhe dashuria e ndaluar. Filmi, i cili përcaktohet si dramë dhe emocional, njihet shkurt edhe me titullin 99 Mustafa. Filmin e ka shkruar dhe e ka regjisuar Sami Ayanoğlu. Producent është Hasan Tual dhe prodhimi i përket Tual Film. Drejtor i fotografisë është Lazar Yazıcıoğlu, muzikën e ka përgatitur Kadri Şençalar.

Në qendër të historisë është Fuati: një burrë i martuar, me dy fëmijë, që drejton një dyqan pëlhurash. Fuati i është dhënë me zemër Melahatit, këngëtares së preferuar të Cuba Pavyon. Mustafa, djali i Fuatit, shkon në shkollën fillore, numri i tij në shkollë është 99; është një fëmijë i lidhur me babanë dhe familjen e tij, i suksesshëm në mësime. Bashkë me nënën refuzon t'i nënshtrohet kësaj marrëdhënieje. Mustafa vendos të takohet ballë për ballë me Melahatin, ta bindë të heqë dorë nga babai i tij dhe ta fitojë sërish babanë për familjen.

Fuatin e luan Hayati Hamzaoğlu, Melahatin Gönül Bayhan, Mustafanë e vogël Cumhur Kersin, nënën Saliha Tekneci; zërin e Hamzaoğlu-t e ka dhënë Reşit Gürzap. Në pjesën e aktorëve, krahas Haydar Karaer, Faik Coşkun, Tevhid Bilge, Vahi Öz, Necdet Tosun dhe Necdet Mahfi Ayral në rolin e Monsieur, përmenden edhe producenti Hasan Tual dhe regjisori Sami Ayanoğlu.