Z. Kılıç (Kılıç Bey) (përkthyer)

Kılıç Bey është një film aventure turk i vitit 1978, i drejtuar nga Natuk Baytan. Filmi, që trajton temat e drejtësisë, sakrificës dhe qëndresës ndaj tiranisë, tregon historinë e një kabadajiu që përpiqet të ndalojë padrejtësitë ndaj punëtorëve. Skenarin e ka shkruar Safa Önal, prodhimin e ka marrë përsipër Berker İnanoğlu; prodhimi është punë e përbashkët e Sezer Film dhe Kunt Film. Filmi doli në kinema më 1 mars 1979 dhe zgjat rreth 73 minuta.

Kılıçi, ende fëmijë, e humb pasurinë e familjes kur babai i tij falimenton; pronarët e tokave ia marrin pasurinë babait dhe ai detyrohet të vijë në Stamboll në moshë të vogël. Në qytetin e madh fiton respekt me kabadajllëkun e tij dhe me vite i del përpara zullumit që të pasurit i bëjnë punëtorëve dhe popullit. Punëdhënësit, që kanë frikë prej tij, heqin dorë nga shumë praktika; kushdo që ka hall ia tregon Kılıçit. Kjo i shqetëson biznesmenët dhe planifikojnë të marrin me qira një vrasës për ta hequr nga rruga. Kılıç Beyn e luan Cüneyt Arkın, Cennetin Perihan Savaş, Bingöllü Cemalin Bilâl İnci; në ekip janë edhe Aliye Rona, Kadir Savun, Turgut Özatay, Süheyl Eğriboz dhe Kudret Karadağ.

Operator është Orhan Kapkı. Sipas zakonit të Yeşilçamit të kohës, në film Cüneyt Arkınin e ka dublizuar Abdurrahman Palay, Perihan Savaşin Gülen Kıpçak, kurse Bilâl İncin Sadettin Erbil.