Cüneyt Arkın

Cüneyt Arkın — Biografia

Cüneyt Arkın, me emrin e vërtetë Fahrettin Cüreklibatır (7 shtator 1937, Eskişehir - 28 qershor 2022, Stamboll), ishte mjek, aktor, skenarist, producent dhe regjisor turk.

Arkın luajti në 330 filma, seriale dhe shfaqje teatrore midis viteve 1963-2021. Si jön ndau kryerolin në shumë filma dashurie që xhiroi me katërgjethëshin e Yeşilçam-it, Türkan Şoray, Fatma Girik, Hülya Koçyiğit dhe Filiz Akın. Arkın interpretoi "heroin e pathyeshëm" në shumë filma historikë si Malkoçoğlu, Kara Murat dhe Battal Gazi, si dhe personazhet "zemërmirë", "trima rezistentë", "ndihmëtarë" dhe "të drejtë" të filmave shoqërorë. Arkın, që mori përsipër skenarin dhe regjinë e shumë filmave si Deli Şahin, Dünyayı Kurtaran Adam, Gırgır Ali dhe Son Kahramanlar, mori pjesë si producent i filmave si Küskün Çiçek, Vatandaş Rıza dhe Kartal Murat.

Arkın, që punoi në shumë cirqe përfshirë Cirkun Medrano, u specializua në kalërim dhe karate dhe përdori në kinema teknikat që mësoi këtu. Meqë nuk përdorte kaskadier, në skenat e rrezikshme shumë herë iu thyen kockat, iu dëmtua palca kurrizore dhe u lëndua. Sipas poetit dhe shkrimtarit Cemal Süreya, Arkın ishte "Supermani i Rrugës së Mëndafshit" dhe pasqyrimi i aktorit francez Jean Marais në serialin Fantoma. Ndërsa për Halit Refiğun, "Në filmat e tij të parë i ngjante Alain Delon, në filmat aksion europianëve dhe për vete Burt Lancasterit". Për herë të parë u vlerësua me Çmimin e Aktorit më të Mirë Mashkull në Festivalin e 6-të të Filmit Portokalli i Artë me filmin İnsanlar Yaşadıkça në vitin 1969. Në vitin 1972 fitoi Çmimin e Aktorit më të Mirë Mashkull në Festivalin e Filmit Kokrra e Artë e Adanasë me filmin Yaralı Kurt. Arkın, që në vitin 2021 u vlerësua me Çmimin e Madh Presidencial të Kulturës dhe Artit në kategorinë e kinemasë, vdiq më 28 qershor 2022 në Stamboll në moshën 84-vjeçare dhe u varros në Varrezat e Zincirlikuyut.