Albom (Albüm) (tərcümə)

Albüm, Mehmet Can Mertoğlunun ssenarisini yazıb çəkdiyi ilk uzunmetrajlı filmi kimi 2016-cı ildə nümayişə çıxdı. Türkiyə, Rumıniya və Fransanın birgə layihəsi olan bu dramatik komediya uşaq sahibi ola bilməyən və körpə övladlığa götürməyə qərar verən bir cütlüyün hekayəsini nəql edir.

Tarix müəllimi Cüneyt ilə vergi idarəsində məmur kimi çalışan Bahar otuz yaşlarının sonunda, illərdir evli olan cütlükdür. Körpənin övladlığa götürülmüş olduğunu ətrafdakılardan gizlətmək istəyən ikili sanki uşaq öz doğma körpələriymiş kimi görünmək üçün hamiləlikdən və doğuşdan etibarən geriyə dönük bir foto albom hazırlamağa girişir. Film bu tragikomik səy üzərindən orta sinfin görünmə narahatlığına ictimai bir tənqid gətirir. Şebnem Bozoklu ilə Murat Kılıçın baş rolları bölüşdüyü heyətdə Müfit Kayacan da yer alır. Dünya premyerasını 69-cu Kann Film Festivalının Tənqidçilər Həftəsi bölməsində edən film burada mükafat qazandı və Sarayevo Film Festivalında ən yaxşı film seçildi.