Cəsurların Döyüşü (Battle of the Brave) (tərcümə)

Orijinal adı Nouvelle-France olan Battle of the Brave, 2004-cü ildə ekranlara çıxan və Fransa, Birləşmiş Krallıq ilə Kanadanın birgə istehsalı olaraq çəkilən tarixi dram və romantik filmdir. Rejissorluğunu Jean Beaudinin öz üzərinə götürdüyü istehsalın ssenarisi Pierre Billon və Gilles Carleyə məxsusdur. İngilis və fransız dillərindəki versiyaları eyni vaxtda çəkilən film, təxminən 30 milyon Kanada dolları məbləğindəki büdcəsi ilə o tarixə qədər Kvebekdə çəkilən ən bahalı istehsal olmuşdur.

Hekayə XVIII əsr Kvebekində, ingilis hərbi işğalının ilk illərində baş verir və 1763-cü ildə yaşanan "la Corriveau" hadisəsindən ilhamlanır. Atasını görmək üçün doğma yurduna qayıdan Le Gardeur atasının öldüyünü öyrənir; qəsəbənin şəfaçısı Marie-Loupa aşiq olur, lakin keşiş Blondeaunun gənc qadına yönəlik qısqanc hökmləri və Françoisnın idarəsini ələ aldığı şirkətin qanunsuz işləri ikilinin həyatını təhlükəyə atır. Filmdə Noémie Godin-Vigneau, David La Haye, Gérard Depardieu, Irène Jacob, Vincent Pérez, Tim Roth, Jason Isaacs və Colm Meaney rol almışdır.