Quldur (Eşkıya) (tərcümə)

Yavuz Turgulun ssenarisini yazıb çəkdiyi 1996-cı il istehsalı Eşkıya baş rollarını Şener Şen və Uğur Yücelin bölüşdüyü dram, triller və detektiv elementlərini birləşdirən türk filmidir. 1996-1997 mövsümündə 2 milyon 571 min 474 nəfər tərəfindən izlənən film 1989-dan 2001-ə qədər türk kinosunun ən yüksək kassa gəlirinə çatan filmi oldu və 1980-ci illərdəki böhranın ardından Yeşilçamdan müasir türk kinosuna keçidin dönüş nöqtəsi sayıldı.

Hekayə Cudi dağlarında tutulub otuz beş il həbs yatdıqdan sonra azad olan eşqiya Baranı izləyir. Kəndinin bənd sularının altında qaldığını öyrənən Baran ona xəyanət edib uşaqlıq məhəbbəti Kejeni də götürərək İstanbula qaçan ən yaxın dostunun ardınca düşür. Qatarda Beyoğlunun arxa küçələrində böyümüş Cumali ilə tanış olması səyahətin istiqamətini dəyişdirir. Musiqisini Erkan Oğurun hazırladığı film Türkiyənin 70-ci Oskar mükafatlarında xarici dildə ən yaxşı film üzrə ilkin namizədi olmuş, lakin namizədlik əldə edə bilməmişdir.