Qapıçılar Kralı (Kapıcılar Kralı) (tərcümə)

Kapıcılar Kralı, Zeki Ökten tərəfindən çəkilən və Umur Bugayın ssenarisini yazdığı 1976-cı il istehsalı Türk komediya filmidir. Çiçek Film imzasını daşıyan layihə, Hanzo və Şaşkın Damatdan sonra Ökten ilə Kemal Sunalın üçüncü birgə işidir. Filmdə Sunalın yanı sıra Sevda Ferdağ, Bilge Zobu, Şevket Altuğ və Sevil Üstekin rol alır.

Hekayə, Anadoludan İstanbula köçün sürətləndiyi illərdə keçir. Daha yaxşı həyat ümidi ilə ailəsi ilə şəhərə gələn Seyit, böyük bir yaşayış binasında qapıçılıq edərkən arvadı evlərə təmizliyə gedir. Adi görünən Seyit, binada baş verən hər şeydən xəbərdardır və ağıllı hərəkətlərlə özünü idarə edir. Bina, dövrün Türkiyəsinə tutulmuş bir güzgü kimi ictimai və iqtisadi çıxılmazlıqları əks etdirir. Film, 14-cü Altın Portakal Film Festivalında Ən Yaxşı Rejissor və Ən Yaxşı Kişi Aktyor mükafatlarını qazanmış, Sunal bu mükafatı komediya filmi ilə alan ilk aktyor olmuşdur.