Mokro Mafiyası (Mocro Maffia) (tərcümə)

Mocro Maffia, ilk bölümü 11 oktyabr 2018-ci ildə RTL Nederland-ın yayım platforması Videoland-da yayımlanan Hollandiya istehsalı bir cinayət-dram serialıdır. RTL Productions imzalı, nidderland dilində çəkilən serial altı mövsüm boyunca ümumilikdə 45 bölüm davam etmiş və noyabr 2024-cü ildə başa çatmışdır.

Achmed Akkabi ilə Thijs Römer-in yaratdığı serial, jurnalist-yazıçılar Wouter Laumans və Marijn Schrijver-in eyniadlı kitabından uyğunlaşdırılmışdır; Hollandiya və Belçikada "Mocro Maffia" adı ilə tanınan mütəşəkkil narkotik cinayət şəbəkəsinə dair real hadisələrdən yola çıxır. Rejissor kürsüsünü Bobby Boermans, Giancarlo Sanchez və Victor Ponten bölüşmüşdür.

Hekayə, kiçik cinayətlərdən qısa müddətdə Amsterdamın kokain ticarətini ələ keçirməyə uzanan üç uşaqlıq dostunu — Romano, Potlood və De Paus-u — mərkəzinə alır; qısqanclıq və xəyanət bu sıx dostluğu qanlı bir hesablaşmaya çevirir. İlk mövsümdə həmçinin Amsterdamdakı qətl dalğasını araşdıran bir jurnalistin izindən getdiyi kokain müharibəsi təsvir olunur.

Serial Hollandiyada real qurbanların yaxınlarına kifayət qədər hörmət göstərilmədiyi istiqamətində tənqidlər alsa da aktyor oyunu, rejissor işi və ssenarisi ilə izləyicidən tərif toplamış; Almaniyada noyabr 2019-cu ildən etibarən Joyn, Fransada isə fevral 2021-ci ildən etibarən Série Club vasitəsilə yayımlanmışdır.