Tatort

Tatort, 1970-ci il noyabrın 29-da Taxi nach Leipzig adlı seriya ilə yayıma başlayan və günümüzdə hələ də davam edən alman-avstriya-isveçrə birgə layihəsi olan detektiv serial silsiləsidir. Gunther Wittenin hazırladığı serial ARD-nin regional üzv kanalları ilə Avstriya ORF və İsveçrə SRF-nin ortaq istehsal fondundan qidalanır; hər regional kanal öz polis qrupunun iştirak etdiyi seriyalar istehsal edir.

Hər seriya təxminən 90 dəqiqəlik müstəqil bir hekayə nəql edir və Almaniya, Avstriya ilə İsveçrənin müxtəlif şəhərlərindəki fərqli dedektiv qruplarının istintaqlarını izləyir. Şəhərlərin memarlığı, adətləri və ləhcələri serialın fərqləndirici elementləridir; bəzi seriyalarda şəhər demək olar ki, baş personaja çevrilir. Götz Georgenin canlandırdığı komissar Schimanski kimi bəzi personajlar kult statusu qazanmışdır.

Hər il təxminən 30-35 yeni seriya bazar axşamları Das Erste və ORF 2-də yayımlanır. Alman dilli ölkələrin ən uzunömürlü və ən çox izlənən detektiv serialı olan Tatort, Grimme mükafatı və Qızıl Kamera kimi saysız namizədlik və mükafat qazanmışdır.