Akrepi Mustafa (Akrep Mustafa) (përkthyer)

Akrep Mustafa është një film turk aventure bardhezi i vitit 1972, që tregon kryesisht një histori kriminale. Regjisor, skenarist dhe producent i filmit është Semih Evin; drejtimin e fotografisë e kanë ndarë Mustafa Yılmaz dhe Muzaffer Turan. Filmi, prodhim i Roket Film, zgjat 73 minuta. Punimet e zërit dhe të përgatitjes së filmit janë kryer në İstanbul Film, ndërsa shërbimi i ndriçimit është marrë nga Ender Işık Servisi.

Në rolin kryesor Akrep Mustafën, që i jep emrin filmit, e luan Erol Taş, një nga të këqinjtë e paharrueshëm të kinemasë turke. Përballë tij në kast janë Tugay Toksöz me rolin e Shefit të Policisë Murat Kartal, Deniz Erkanat me rolin e Doktor Ümitit, Kadri Ögelman me rolin e Cicoz Alisë; Haluk Orçun luan komisarin, Ferhat Ünal një polic, Yılmaz Kurt grabitësin. Personazhi i luajtur nga Mine Sun quhet Gruaja e Vetmuar.

Sipas praktikës së kohës, filmi është i dubluar: Erol Taşit i ka dhënë zë Sadettin Erbil, Tugay Toksözit Hayri Esen, Deniz Erkanatit Nedret Güvenç, Kadri Ögelmanit Rıza Tüzün, Haluk Orçunit Timuçin Caymaz, Mine Sunit Fatoş Tez. Në ekipin teknik, dizajni i gjenerikut i takon Refik Onubilit, regjistrimi i zërit Demir Arakonit, montazhi i negativit Şehmuz Doğalpit.