Të bëhesh italian me Signora Enrica-n (Sinyora Enrica ile İtalyan Olmak) (përkthyer)

Sinyora Enrica ile İtalyan Olmak, është një film komedi-dramë turko-italian i vitit 2010, i shkruar dhe i drejtuar nga Ali İlhan. Filmi u xhirua në Stamboll dhe në qytetin italian Rimini, dhe u përzgjodh për t'u shfaqur në Festivalin e 47-të të Filmit Antalya Altın Portakal.

Në qendër të rrëfimit ndodhet një grua e moshuar italiane, Sinyora Enrica (Claudia Cardinale), e cila qëkur burri i saj e braktisi shumë vjet më parë nuk ka lejuar asnjë burrë të hyjë në shtëpinë e saj; gruaja siguron jetesën nga studentët qiramarrës dhe nga punimet e qepësisë. Si pasojë e një keqkuptimi që ndodh në një natë me shi, studenti turk i shkëmbimit Ekin (İsmail Hacıoğlu), i cili gjen strehë në shtëpinë e saj, do të ndryshojë këtë rregull që nuk është shkelur prej vitesh dhe mes të dyve do të lindë një afërsi e papritur. Giovanni-n, djalin e Enricës që u rrit pa baba dhe ka një marrëdhënie problematike me nënën, e interpreton Teoman Kumbaracıbaşı. Në kast bëjnë pjesë gjithashtu Fahriye Evcen (Sinyora Enrica e re), Lavinia Longhi, Levent Can, Bedia Ener dhe Kemal Başar.