Vizita e Bandës (The Band's Visit) (përkthyer)

The Band's Visit (me titullin origjinal hebraisht Bikur Ha-Tizmoret) është një dramë-komedi e vitit 2007, që Eran Kolirin e ka shkruar dhe e ka drejtuar, dhe filmi i parë i gjatë i regjisorit. Është bashkëprodhim i Izraelit, Francës dhe SHBA-së; prodhues janë July August Productions dhe Dulac Productions. Sasson Gabai, Ronit Elkabetz, Saleh Bakri dhe Uri Gavriel ndajnë rolet kryesore. Filmi mblodhi lëvdata nga kritikët dhe shikuesit; fitoi tetë Çmime Ophir të Akademisë së Filmit të Izraelit, mes tyre edhe çmimin për Filmin më të Mirë.

Orkestra e vogël e policisë së Aleksandrisë nga Egjipti niset për të luajtur në një ceremoni hapjeje në Izrael. Në aeroport nuk i pret kush; për më tepër, meqë anëtarët nuk e shqiptojnë dot tingullin “p”, pyesin për rrugën drejt një qyteze imagjinare, “Bet Hatikva”, në vend të Petah Tikvës, dhe mbeten të bllokuar në një qytezë të vogël e të largët izraelite në mes të shkretëtirës. Në rolin e Tewfiqit është Sasson Gabai, në atë të Dinës Ronit Elkabetz, në atë të Haledit Saleh Bakri, në atë të Simonit Khalifa Natour.

Filmi zgjat 87 minuta. Mori çmimet për Aktorin më të Mirë dhe Zbulimin Evropian të Vitit në Çmimet e Filmit Evropian. Izraeli e dërgoi filmin si kandidat për filmin në gjuhë të huaj në Çmimet e 80-ta të Akademisë; por Akademia e refuzoi aplikimin, sepse më shumë se gjysma e dialogjeve ishin në anglisht. Izraeli dërgoi në vend të tij Beaufort, i cili hyri mes pesë kandidatëve të fundit.