Marshuesit (The Marchers) (përkthyer)

The Marchers (titulli origjinal La Marche) është një film komedi-dramë franko-belg i vitit 2013, i shkruar dhe i drejtuar nga Nabil Ben Yadir. Veprimi ritregon në një stil fiktiv historinë e Marshimit për Barazi dhe Kundër Racizmit të organizuar në Francë në vitin 1983; dalja e filmit në kinema në nëntor 2013 përkon me tridhjetëvjetorin e këtij marshimi historik.

Historia trajton të riun Mohamed, i cili u qëllua nga një polic por mbijetoi, dhe i cili, duke refuzuar thirrjet për dhunë, i drejtohet një veprimi paqësor të frymëzuar nga Martin Luther King dhe Mahatma Gandhi, duke nisur së bashku me shokët e tij një marshim nga Marselja në Paris. Në filmin 120-minutësh, të prodhuar nga EuropaCorp, luajnë Hafsia Herzi, Lubna Azabal dhe Rufus. I xhiruar në gjuhën frënge dhe arabe, filmu u konsiderua dështim kritik dhe komercial; ndërsa disa shikues menduan se vepra pasqyronte frymën e lëvizjes, të tjerë pohuan se dimensioni politik ishte dobësuar.