Ankara Poçtu (Ankara Postası) (tərcümə)

Ankara Postası, Muhsin Ertuğrulun rejissoru və ssenaristi olduğu 1929-cu il tarixli səssiz türk filmidir. Film fransız yazıçı François de Curelin 1922-ci ildə qələmə aldığı "Terre Inhumaine" adlı pyesinin, Reşat Nuri Güntekin tərəfindən "Bir Gece Faciası" adı ilə türk dilinə uyğunlaşdırılan səhnə versiyasından ekranlaşdırılmışdır. Uyğunlaşdırmada Birinci Dünya müharibəsi zamanı Alsace-Lorrainedə keçən orijinal hekayə Qurtuluş Müharibəsi illərinin Adapazarına köçürülmüşdür.

Ertuğrul 1921-1924-cü illər arasında Kemal Film üçün çəkdiyi altı filmin ardından verdiyi uzun fasilədən sonra bu film üçün Fahir və İhsan İpekçi qardaşları ilə birlikdə çalışdı. Necmiye Sultan rolunu rejissorun həyat yoldaşı Neyyire Neyir canlandırdı. İlk nümayişi 2 oktyabr 1929-cu ildə İstanbuldakı Elhamra və Melek kinoteatrlarında keçirilən filmi yalnız İstanbulda on beş min nəfər izlədi; bu rəqəm o günə qədər çatılan ən böyük kino gəliri oldu və İpekçi qardaşlarını yerli film istehsalını davam etdirməyə həvəsləndirdi.