Dəli izdihamdan uzaqda (Far from the Madding Crowd) (tərcümə)

John Schlesingerin rejissorluq etdiyi 1967-ci il tarixli ingilis dövr dramı “Far from the Madding Crowd”, Thomas Hardynin 1874-cü il tarixli eyniadlı romanından Frederic Raphael tərəfindən kinoya uyğunlaşdırıldı. Baş rollarda Julie Christie, Alan Bates, Terence Stamp və Peter Finch yer alır; operatorluğunu Nicolas Roeg, musiqisini isə səhnələrdə ənənəvi xalq mahnılarına da yer verən Richard Rodney Bennett öz üzərinə götürmüşdür.

Hekayə 19-cu əsrin Victoria dövrü İngiltərəsinin kənd Wessex bölgəsində keçir. Dövrün qadınlara diktə etdiyi qaydalara əhəmiyyət verməyən, miras qalan fermanı öz başına idarə etməyə qərar verən müstəqil Bathsheba Everdene, ona aşiq olan üç kişinin — çoban Gabriel Oak, qonşu ferma sahibi William Boldwood və çavuş Frank Troyun — həyatını alt-üst edir. Schlesingerin dördüncü filmi olan və rejissorun müasir şəhər həyatını işləyən əvvəlki işlərindən üslub dəyişikliyini göstərən film Londonda Odeon Marble Arch kinoteatrının 23 metrlik pərdəsində nümayiş olunan ilk 70 mm film oldu. Film Ən Yaxşı Orijinal Musiqi kateqoriyasında Oskara və iki BAFTA-ya namizəd göstərildi.