Larg nga turma e çmendur (Far from the Madding Crowd) (përkthyer)

“Far from the Madding Crowd”, drama periudhe angleze e vitit 1967, e drejtuar nga John Schlesinger, u përshtat për ekranin e madh nga Frederic Raphael nga romani me të njëjtin emër i vitit 1874 i Thomas Hardy. Në rolet kryesore janë Julie Christie, Alan Bates, Terence Stamp dhe Peter Finch; imazhin e ka bërë Nicolas Roeg dhe muzikën Richard Rodney Bennett, i cili në skena ka përfshirë edhe këngë të zakonshme popullore.

Historia zhvillohet në zonën rurale të Wessex, në Anglinë e periudhës viktoriane të shekullit XIX. Bathsheba Everdene, e pavarur, që nuk ka merak rregullat që koha u imponon grave dhe vendos ta drejtojë vetë fermën e trashëguar, ia përmbys jetën tre burrave që janë të dashuruar me të: barit Gabriel Oak, pronarit të fermës fqinje William Boldwood dhe rreshterit Frank Troy. Filmi, i katërti i Schlesinger dhe që shënon një ndryshim stili nga punët e mëparshme të regjisorit mbi jetën bashkëkohore urbane, u bë filmi i parë 70 mm i shfaqur në ekranin 23-metërsh të Odeon Marble Arch në Londër. Filmi u nominua për Oscar për muzikën origjinale më të mirë dhe për dy BAFTA.