Qara İnci (Siyah İnci) (tərcümə)

Siyah İnci, 28 sentyabr 2017-ci il ilə 15 fevral 2018-ci il tarixləri arasında Star TV-də yayımlanan dram və sevgi janrında Türk televiziya serialıdır. Gold Film imzalı istehsalın prodüserliyini Faruk Turgut üstlənmiş; rejissorluğunda Cem Karcı ilə yanaşı Erol Özlevi və Benal Tahiri çalışmış, ssenarisi isə aralarında Başak Angigün, Alphan Dikmen, Yekta Torun və Gül Gürsoyun olduğu bir yazar heyəti tərəfindən yazılmışdır. Bir mövsüm davam edən serial, 20-ci bölümü ilə finala çatmışdır.

Serial, nişanlısı balıqçı Kenan ilə evlənməyə hazırlaşan Hazalın, toyndan bir gün əvvəl ofisiantlıq etdiyi bir ziyafətdə görüb aşiq olduğu varlı iş adamı Vural ilə evlənməyə məcbur edilməsindən bəhs edir. Hazalın özünü pul və cəmiyyət həyatı üçün tərk etdiyini düşünən Kenan, zamanla müvəffəqiyyətli bir iş adamına çevrilərək intiqam arxasınca düşür; hekayə bu üçlü arasındakı sevgi, inciklik və hesablaşma oxu üzərində irəliləyir.

Baş rollarını Hande Erçelin (Hazal), Tolgahan Sayışmanın (Kenan) və Berk Hakmanın (Vural) bölüşdüyü heyətdə Hüseyin Avni Danyal, Yeşim Büber, Neriman Uğur, İpek Bağrıaçık, Mehmet Mehmedof, Melis Sezen, Çağla Demir və Burak Altay kimi adlar da yer almışdır. Beynəlxalq versiyası 67 bölüm olaraq hazırlanan serial, "Pérola Negra" adı ilə Anqola və Mozambikdə Zap Novelas kanalında da ekranlara gəlmişdir.