Uzaq Ehtimal (Uzak İhtimal) (tərcümə)

Uzak İhtimal (beynəlxalq adı ilə Wrong Rosary), Mahmut Fazıl Coşkunun rejissorluğunu üzərinə götürdüyü, Türkiyə istehsalı dram filmidir. Rejissorun ilk filmi olan film 9 oktyabr 2009-cu ildə ekranlara çıxdı və təxminən 90 dəqiqə davam edir. Ssenarisini Tarık Tufan ilə Görkem Yeltan yazmışdır. Film Rotterdam Kinofestivalında Pələng mükafatı alaraq bu festivalda mükafata layiq görülən ilk türk filmi olmuşdur. Ayrıca 28-ci Beynəlxalq İstanbul Kinofestivalının proqramında göstərildi və 46-cı Antalya Altın Portakal Film Festivalının milli uzunmetrajlı müsabiqəsində yer aldı.

Hekayə yeni müəzzin olaraq əyalətdən İstanbula gələn Musanın Galatadakı bir məsciddə vəzifə almasıyla başlayır. Əvvəllər xristian məhəlləsi olan, bir çox mədəniyyətə ev sahibliyi etmiş bu məhəllədə Musa məscidin köməkçi binasındakı mənzildə qalır; qarşı qonşusu isə Clara adında bir rahibə namizədidir. Musa onu ilk gördüyü andan bəri onunla danışmağın yollarını axtarır və səssizcə arxasınca gedir. Bu axtarış onu aristokrat ailənin övladı olan, sahaflıq edən İstanbullu Yakupla qarşılaşdırır. Yakup illər əvvəl birgə yaşadığı qadından olan qızını axtarır. Üç ayrı dünyadan gələn insanın yolları kəsişərkən, yalnız İstanbul kimi bir şəhərdə yaşana biləcək hadisələr ardıcıl sıralanır. Baş rolları Nadir Sarıbacak, Görkem Yeltan və Ersan Uysal bölüşür.

Bir türk tənqidçi filmi kinomuzda mühafizəkarlıq anlayışının dəyişimi içində irəli atılmış bir addım kimi oxumuşdur.