Leyla dhe Mecnun (Leyla ile Mecnun) (përkthyer)

Leyla ile Mecnun, prodhim i Eflatun Film, është një serial turk i zhanrit komedi absurde, i shkruar nga Burak Aksak dhe i regjisuar nga Onur Ünlü. I vendosur në Stamboll, prodhimi shton elemente komedie absurde, fantashkence dhe komedie sitimesh mbi skenarin që parodizon historinë legjendare të dashurisë së Leylâ-s dhe Mexhnunit; personazhet herë pas herë luajnë edhe me vetë fiksionin.

Seriali filloi transmetimin më 9 shkurt 2011 në TRT 1; tre sezonet e para u transmetuan në këtë kanal midis viteve 2011-2013 dhe u hoqën nga transmetimi pa një episod final. Pas një ndërprejeje tetëvjeçare, prodhimi u rikthye në jetë në platformën dixhitale Exxen, ku sezonet 4-7 u transmetuan midis viteve 2021-2023; seriali zgjati gjithsej 7 sezone dhe përfundoi me episodin e 144-të.

Me Ali Atay në rolin kryesor, në kastin e serialit ndodhen emra si Ezgi Asaroğlu, Zeynep Çamcı, Müge Boz, Melis Birkan, Deniz Işın, Köksal Engür, Serkan Keskin, Cengiz Bozkurt, Ahmet Mümtaz Taylan dhe Osman Sonant. Prodhimi, i cili mori lavdërime të gjera nga kritikët, ka fituar çmime të ndryshme dhe me gjuhën e tij origjinale të humorit është kthyer në një serial kult.