Odekolon Respublikası (Kolonya Cumhuriyeti) (tərcümə)

Kolonya Cumhuriyeti, 21 Aprel 2017-ci ildə nümayişə çıxan Türk komediya filmidir. Ssenarisini Eray Akyamaner və Sıla Çetindağ ilə birlikdə yazan Murat Kepezin ilk tammetrajlı rejissorluq təcrübəsidir; prodüserliyini BKM öz üzərinə götürüb.

Beş min nəfər əhalisi olan Kolonya bələdiyyəsinin başçısı Peker Mengen yerinə yetirilməsi çətin vədlərlə seçkini qazanır. Dünyaya gələcək bir yadplanetlinin enəcəyi yer isə gözlənilmədən Kolonya olur. Yadplanetli xalq tərəfindən böyük coşqu ilə qarşılanır; lakin bayram tədbirləri zamanı baş verən bir qəza nəticəsində kosmik gəmi istifadəyə yararsız hala düşür və yadplanetli bələdiyyədə qalmaq məcburiyyətində qalır. Baş verənlər Amerikanın diqqətini çəkir və bu balaca bələdiyyə birdən-birə müstəqil bir dövlətə çevrilmiş, hətta Amerika ilə müharibənin astanasında özünü tapır.

Çağlar Çorumlunun Peker Mengeni, Büşra Pekinin isə həyat yoldaşı Muallanı canlandırdığı filmdə Uğur Bilgin, Mahir İpek və Ersin Korkut da rol alır. Film Türkiyədə bir milyondan artıq tamaşaçıya çataraq 2017-ci ilin kassada önə çıxan yerli komediyaları arasına daxil olub.