Balzamçı (L'imbalsamatore) (tərcümə)

The Embalmer (İtaliya dilində orijinal adı L'imbalsamatore; The Taxidermist adı ilə də tanınır), Matteo Garronenin çəkdiyi 2002-ci il tarixli İtaliya neo-noir dramıdır. Fandango istehsalı olan film Ugo Chiti, Massimo Gaudioso və Garronenin yazdığı ssenariyə əsaslanır, İtaliya dilində çəkilmişdir və 101 dəqiqə davam edir. Hekayəsi 1990-cı ildə Roma mətbuatına yansıyan real bir hadisədən ilhamlanmışdır. İtaliya Mədəniyyət Nazirliyinin kino üzrə baş idarəsi filmi milli mədəni maraq üçün dəyərli saymışdır.

Rəvayətin mərkəzində üç nəfər var: heyvan doldurma ustası Peppino (Ernesto Mahieux), onun yanına girən gənc Valerio (Valerio Foglia Manzillo) və Valerionun sevgilisi Deborah (Elisabetta Rocchetti). Peppino Valerionu qanadı altına alır; Deborahın ortaya çıxışı bu münasibəti gərginləşdirir. Valerio rolundakı Foglia Manzillo keçmiş modeldir və filmlə aktyorluğa addım atmışdır. Heyətdə ayrıca Lina Bernardi, Pietro Biondi, Bernardino Terracciano və Marcella Granito yer alır. Çəkilişlər Kampaniyada Castel Volturnonun məhəlləsi olan Villaggio Coppolada və Lombardiyadakı Cremonada aparılmışdır.

Film 2002-ci il Kann Film Festivalının Rejissorların On Beş Günü bölümünə L'étrange monsieur Peppino adı ilə seçildi. Ernesto Mahieux Peppino rolu ilə David di Donatello mükafatında Ən yaxşı yardımçı kişi aktyor mükafatını aldı; film eyni mərasimdə Ən yaxşı ssenari mükafatını, ayrıca Ən yaxşı montaj və Ən yaxşı prodüser kateqoriyalarında iki Nastro d'Argento mükafatını qazandı.