Üç Meymun (Üç Maymun) (tərcümə)

Nuri Bilge Ceylanın 2008-ci il istehsalı filmi Üç Maymun Türkiyə, Fransa və İtaliyanın birgə istehsalı dramdır. Ssenaridə Ceylana həyat yoldaşı Ebru Ceylan ilə aktyor Ercan Kesal yoldaşlıq etmişdir. Adını pisliyi görməyən, eşitməyən və deməyən üç meymun motivindən alan film kiçik zəifliklərin böyük yalanlara çevrilməsi ilə parçalanan bir ailənin həqiqətin üstünü örtərək bir arada qalmaq cəhdini danışır.

Hekayədə müxalifət partiyasından namizəd olacaq iş adamı Servetin törətdiyi ölümlü yol qəzasının məsuliyyətini pul müqabilində öz üzərinə götürən sürücü Eyüp həbsə düşür. Bu arada Servet ilə Eyüpün həyat yoldaşı Hacer arasında başlayan münasibət və oğul İsmailin qəzəbi ailəni yeni bir cinayətin içinə çəkir. Baş rolları Yavuz Bingöl, Hatice Aslan, Ahmet Rıfat Şungar və Ercan Kesal bölüşür. Film 2008-ci il Kann Film Festivalında Ceylana Ən Yaxşı Rejissor Mükafatını qazandırmış, 81-ci Akademiya Mükafatlarında Türkiyənin namizədi olaraq son doqquz film arasına qalmışdır.