Atomlaşdırılmış (Atomised) (tərcümə)

Elementarteilchen (beynəlxalq adı ilə Atomised), Oskar Roehler'in yazıb çəkdiyi, prodüserliyini Oliver Berben və Bernd Eichinger'in üzərinə götürdüyü 2006-cı il istehsalı Alman dram filmidir. Film, Michel Houellebecq'in 1998-ci ildə çap olunan mübahisəli Les Particules élémentaires romanının sərbəst uyğunlaşdırmasıdır; lakin romanın Parisdə keçən əhvalatı başda Berlin və Türingiya olmaqla Almaniyanın müxtəlif bölgələrinə köçürülüb və kitabdan fərqli bir son seçilib.

Hekayə xarakterləri bir-birindən çox fərqlənən ögey qardaşlar Michael və Bruno'nun həyatına yönəlir: qadınlardan çox genlərlə maraqlanan molekulyar bioloq Michael'ın qarşısına gənclik sevgisi Annabelle çıxır, cinsi vəsvəsələri ilə boğuşan Bruno'nun həyatı isə Christiane ilə tanışlığı ilə dəyişir. Moritz Bleibtreu, Christian Ulmen, Martina Gedeck, Franka Potente və Nina Hoss'un rol aldığı film 2006-cı ilin fevralında 56-cı Berlin Film Festivalında premyerasını etdi və Bleibtreu'ya Ən Yaxşı Kişi Rolu üzrə Gümüş Ayı qazandırdı.