Atomizuar (Atomised) (përkthyer)

Elementarteilchen (i njohur ndërkombëtarisht si Atomised) është një dramë gjermane e vitit 2006, shkruar dhe drejtuar nga Oskar Roehler dhe prodhuar nga Oliver Berben e Bernd Eichinger. Filmi është një përshtatje e lirë e romanit të diskutueshëm Les Particules élémentaires të Michel Houellebecq, botuar në 1998; ngjarja e librit, e vendosur në Paris, u zhvendos megjithatë në krahina të ndryshme të Gjermanisë, kryesisht në Berlin dhe Turingi, ndërsa u zgjodh një fund i ndryshëm nga ai i librit.

Historia përqendrohet te jeta e gjysmëvëllezërve me karaktere krejt të ndryshme, Michael dhe Bruno: biologut molekular Michael, të cilin gjenet e tërheqin më shumë se gratë, i shfaqet sërish dashuria e rinisë Annabelle, kurse jeta e Brunos, që lufton me obsesionet e veta seksuale, ndryshon pas njohjes me Christiane. Filmi me Moritz Bleibtreu, Christian Ulmen, Martina Gedeck, Franka Potente dhe Nina Hoss u shfaq për herë të parë në shkurt 2006 në Festivalin e 56-të të Filmit në Berlin dhe i solli Bleibtreu-t Ariun e Argjendtë për aktorin më të mirë.