Atomizuar (Elementarteilchen) (përkthyer)

Atomised (me titullin gjerman Elementarteilchen, me titullin në Turqi Temel Parçacıklar) është dramë gjermane e vitit 2006, të cilën skenarin e ka shkruar dhe e ka drejtuar Oskar Roehler. Filmi, që e prodhuan së bashku Bernd Eichinger dhe Oliver Berben, është përshtatur lirshëm nga romani i polemizuar i Michel Houellebecqut, botuar më 1998. Roehler e ka transferuar historinë nga Parisi në Gjermani dhe i ka xhiruar skenat në vende si Berlini dhe Turingia. Ndryshe nga romani, pesimizmi kulturor nuk është tema kryesore e filmit dhe filmi mbaron me një fund tjetër.

Subjekti është jeta e dy gjysmëvëllezërve krejt të ndryshëm, Brunos dhe Michaelit. Michaeli, që ka kaluar një fëmijëri kaotike pranë një nëne kapriçioze që kujdesej vetëm për dashuritë e saj, bëhet biolog molekular dhe interesohet më shumë për gjenet sesa për gratë. Bruno është i obsesionuar pas dëshirave seksuale; kur njihet me Christiane, jeta e tij fillon të ndryshojë. Në të njëjtën kohë Michaeli takohet sërish me dashurinë e rinisë, Annabelle. Brunon e luan Moritz Bleibtreu, Michaelin Christian Ulmen, Christianen Martina Gedeck, Annabellen Franka Potente, Jane-n Nina Hoss; në kast janë edhe Corinna Harfouch dhe Michael Gwisdek.

Filmi pati premierën botërore më 12 shkurt 2006 në Festivalin e 56-të të Filmit të Berlinit dhe i solli Bleibtreut Ariun e Argjendtë për aktorin më të mirë. Prodhimi, që doli në kinema në Gjermani më 23 shkurt 2006, u shfaq në Turqi më 4 maj 2007 dhe u transmetua për herë të parë në kanalin ARD më 27 mars 2008. Kritika e një faqeje turke filmash e ka çmuar filmin si "të mirë" me 3,5 pikë.