Cirkus Columbia

Cirkus Columbia, Boşnak rejissor Danis Tanović-in 2010-cu il istehsalı dram-komediya filmidir. Ssenarisini Tanović-in Ivica Đikić ilə birlikdə Đikić-in eyniadlı romanından uyğunlaşdırdığı Bosniya-Herseqovina və Fransa birgə istehsalı olan film, boşnak və ingilis dillərində çəkilmişdir.

Hekayə 1991-ci ildə kommunist sisteminin süqutundan sonra Bosniya-Herseqovinanın Herseqovina bölgəsində keçir. İyirmi il davam edən Almaniya sürgünündən sonra gənc sevgilisi, yeni Mercedes-i və uğur gətirdiyinə inandığı qara pişiyi ilə kəndinə qayıdan Divko Buntić köhnə ailəsi ilə hesablaşmağa gəlir; lakin pişiyi itdikdə hadisələr nəzarətdən çıxır. Müharibə yaxınlaşdıqca Divko qalmaq ilə qalmamaq arasında seçim etmək məcburiyyətində qalır.

Baş rollarda Miki Manojlović, Mira Furlan, Boris Ler və Jelena Stupljanin yer alır. Film, 2010-cu ildə Antalya Altın Portakal Film Festivalında Ən Yaxşı Film mükafatını qazanmış, 67-ci Venesiya Film Festivalında nümayiş etdirilmiş və Bosniya-Herseqovinanın xarici dildə ən yaxşı film üzrə Oskar namizədi olmuşdur.