Klub (Kulüp) (tərcümə)

Kulüp O3 Medya imzalı, Seren Yüce ilə Zeynep Günayın çəkdiyi türk dövr dramı serialıdır. Ssenarisi Rana Denizerin ailəsinin həyatından ilhamlanaraq Ayşin Akbulut, Rana Denizer və Necati Şahin tərəfindən yazılan layihə Netflix-də yayımlanmışdır. On bölümlük ilk mövsümün ilk altı bölümü 5 noyabr 2021-ci ildə, qalan dörd bölümü 6 yanvar 2022-ci ildə tamaşaçı ilə görüşmüş; ikinci mövsüm 15 sentyabr 2023-cü ildə göstərilmişdir. Serial Ən Yaxşı İnternet Serialı nominasiyasında Altın Kelebek Mükafatı qazanmışdır.

Beyoğlu çəkilişləri İstiqlal Caddesi ətrafında aparılan serial 1950-ci illərin İstanbulunda sefarad yəhudisi Matilda ilə yetimxanada böyümüş qızı Raşelin hekayəsini danışır. Həbsxanadan çıxan Matilda qızı ilə bağ qura bilmək üçün bir gecə klubunda çalışmağa başlayır. Layihə Türkiyədəki yəhudi icmasını qəlib mühakimələrdən kənarda ələ alması və Ladino dilinə yer verməsi ilə diqqət çəkdi; Ladino danışılan səhnələrdə bu dildə danışan təxminən əlli nəfər rol aldı.