Almaniya, Acı Vətən (Almanya Acı Vatan) (tərcümə)

Şerif Görenin rejissorluq etdiyi Almanya Acı Vatan, ssenarisini Zehra Tanın yazdığı 1979-cu il istehsalı bir türk filmidir. Gülşah Film və Fatoş Filmin prodüserliyini üzərinə götürdüyü filmin çəkilişləri, o dövrdə Berlin divarı ilə iki yerə bölünmüş olan Berlinin qərb sektorunda çətin şərait altında həyata keçirilmişdir. Film, Türkiyədən Almaniyaya köç etmiş fəhlələrin həyatlarını, yeni evli bir cütlüyün hekayəsi vasitəsilə danışır.

Almaniyada çalışan Güldane, kəndinə icazəyə gəldiyi zaman oraya getmək istəyən Mahmutla formal bir evlilik edir; bunun müqabilində Mahmut təsərrüfatını və heyvanlarını ona verəcəkdir. Almaniyaya çatdıqda yolları ayrılsa da, qürbət həyatının ağır şəraiti ikisini bir-birinə yaxınlaşdırır və onlar evliliklərini həqiqi etməyə qərar verirlər. Lakin Mahmutun keçirəcəyi dəyişiklik Güldaneni əhəmiyyətli qərarlar qəbul etməyə sövq edir. Baş rolları Hülya Koçyiğit və Rahmi Saltuk bölüşürlər.