Ümid (Umut) (tərcümə)

Umut, Yılmaz Güneyin ssenarisini yazıb rejissorluq etdiyi, prodüserliyini öz üzərinə götürdüyü və baş rolunda oynadığı 1970-ci il tarixli ağ-qara türk dram filmidir. Filmdə Güney arvadını, yaşlı anasını və beş uşağını iki atın çəkdiyi köhnə bir faytonla dolandırmağa çalışan yoxsul faytonçu Cabbarı canlandırır. Bir maşının vurması nəticəsində atlarından biri ölən Cabbar yeni at alacaq pulu tapa bilməyəndə, son çarə olaraq hamal Hasanın israrı ilə bir mollanın ardınca düşüb səhrada əfsanəvi bir xəzinə axtarmağa başlayır. Aktyor heyətində Güneydən əlavə Tuncel Kurtiz, Gülsen Alnıaçık, Osman Alyanak və Enver Dönmez yer alır.

Türk kinosunun ilk realist filmi sayılan Umut, çəkildiyi dövrdə Türkiyədə senzuraya məruz qaldı. Buna baxmayaraq 2. Adana Altın Koza Film Festivalında beş sahədə mükafat qazandı, Kann Film Festivalında nümayiş olundu və bərpa edilmiş halı ilə 2015-ci ildə Venesiya Film Festivalının Klassiklər bölməsində yer aldı. Türk kinosunun 100-cü ili üçün keçirilən səsvermədə Sinema Yazarları Dərnəyi tərəfindən "100 İlin Ən Yaxşı Türk Filmi" seçildi.