Ata në urë (Köprüdekiler) (përkthyer)

Köprüdekiler është një film dramë, bashkëprodhim turko-gjerman i vitit 2009, me regji të Aslı Özge. Filmi ndjek jetën e përditshme të tre burrave që jetojnë në periferitë e Stambollit dhe sigurojnë të ardhurat në qendër të qytetit: Fikret, që shet lule në mënyrë të paligjshme në trafikun e ngjeshur të Urës së Bosforit dhe kërkon një punë më të mirë për vete; Umut, shoferi i dolmuşit që punon në linjën Taksim-Bostancı dhe kërkon një shtëpi më të bukur për ta kënaqur gruan e tij Cemile; dhe Murat, polici i trafikut i caktuar rishtas në urë, që përpiqet ta lehtësojë vetminë duke kërkuar të dashur në internet. Ëndrrat e këtyre tri jetëve që nuk dinë njëra për tjetrën kryqëzohen çdo ditë mbi urë.

Në film kanë luajtur Fikret Portakal, Murat Tokgöz dhe Umut İlker. Prodhimi, që e bëri premierën botërore në Festivalin e 28-të Ndërkombëtar të Filmit të Stambollit, fitoi aty çmimin e Filmit më të Mirë Turk të Vitit; përveç kësaj u zgjodh filmi më i mirë në Altın Koza dhe u shfaq në festivalet e Locarnos dhe të Londrës. Në Turqi doli në ekrane më 19 mars 2010.