Kurvë (Sürtük) (përkthyer)

Sürtük është një film dramë turk me regji të Adolf Körner, që doli në ekrane më 10 shtator 1942. Skenari i Refik Kemal Arduman është përshtatur nga drama Pygmalion e George Bernard Shaw e vitit 1913; drejtimin e fotografisë e ka marrë përsipër Necati Tözüm, kurse shpërndarjen Dar Film.

Filmi trajton historinë e Naciyes, që siguron jetesën duke kënduar nëpër rrugë, e zbuluar nga Ekremi, pronari i një klubi muzikor, dhe e bërë këngëtare solo. Dashuria midis Naciyes dhe pianistit, mësuesit të saj të muzikës, has në ndërhyrjen xheloze të Ekremit që e zbuloi atë, dhe konflikti i historisë është që ky njeri me ndikim nuk i lë në qetësi kudo që të shkojë çifti. Naciyen e luan Zehra Yumsel; në kast janë emra si Halide Pişkin, Avni Dilligil, Muazzez Arçay dhe Mümtaz Ener. Prodhimi përmendet edhe si filmi i parë i Hulusi Kentmen në kinema. E njëjta dramë u soll përsëri në ekranin e madh në 1965 dhe 1970 me regji të Ertem Eğilmez.