Şirin Quldur (Sevimli Haydut) (tərcümə)

Sevimli Haydut, 1961-ci il istehsalı ağ-qara Türk macəra və emosional dram filmidir. Ssenarisini də yazan Asaf Tengizin çəkdiyi film Sultan Abdülmecit dövrünün qarışıqlığında dağlardakı quldurları və onlara qarşı duran bir qanundan qaçanı danışır. Baş rollarını Ayhan Işık ilə Türkân Şoray bölüşür. Film adını xalqın qəhrəmana taxdığı ləqəbdən alır və Yeşilçamın Türkân Şoray filmləri arasında xatırlanır.

Hekayə Mülazım Osmanın hərbi nizama tabe olmamaqda ittiham edilib ordudan qovulması, beş illik sürgünə göndərilməsi ilə başlayır. Yolda xilas edilən Osman dayısı Rızanın dəstəsinə qoşulur; ərazinin kəndliləri qəsb olunan pulları geri qaytaran, basqınların qarşısını alan bu cavana "Sevimli Haydut" deyir. Ordudan qovulmasaydı Paşanın qızı Emine ilə evlənəcəkdi; Ayhan Işıkın canlandırdığı Osmanın qarşısında Türkân Şoraynın Eminesi məhəbbəti ilə ailəsi arasında qalır. Osmanın əsl düşməni Emineyə də ürək verən amansız quldur Çulsuzdur; bu rolda Hüseyin Baradan var. Heyətdə ayrıca Avni Dilligil (Rıza), Hulusi Kentmen (Paşa), Suna Selen (Ayşe), Danyal Topatan (Sansar) və Selahattin İçsel (Muxtar) yer alır.

Prodüserliyi Şevket Aktunçun Aktunç Filmi üstlənib. Quruluşçu operatorlar Hayrettin Işık ilə Yılmaz Gürbüz, musiqi məsulu Nevzat Ekmekçidir; film təxminən 100 dəqiqə davam edir. Titrlərdə Nurinnisa Tokses ilə Hasan Mutlucanın səsləndirdiyi "Yine De Şahlanıyor" türküsü səslənir.