Një histori dashurie (Bir Aşk Masalı) (përkthyer)

Bir Aşk Masalı është një film bashkëprodhim turko-sovjetik i vitit 1978. Në karrigen e regjisorit ka qëndruar Ajdar İbrahimov -i njohur në burimet turke edhe si Ejder İbrahimof-; në prodhim, përveç studios sovjetike Mosfilm, kanë kontribuar edhe Tuğra Film dhe Duru Film. Skenari është adaptuar nga pjesë "Legend of Love" e Nazım Hikmet, e cila bazohet në legjendën klasike Ferhat ile Şirin të letërsisë lindore.

Në kast, Türkân Şoray portretizon personazhin e Banu, ndërsa rolet e Ferhat dhe Şirin i interpretojnë respektivisht Faruk Peker dhe Alla Sigalova; në kast kanë qenë edhe aktorët sovjetikë Anatoli Papanov, Armen Cigarhanyan, Vladimir Samoylov dhe Vsevolod Sanayev. Sipas burimeve ruse, filmi, gjatë periudhës së shfaqjes, arriti mbi 25 milionë shikues duke u renditur në vendin e 15-të në listën e arkës sovjetike të vitit 1979.