Xain Bizans (Kahpe Bizans) (tərcümə)

Kahpe Bizans, Gani Müjdenin rejissorluq etdiyi və ssenarisini Kemal Kenan Ergen və Fatih Solmaz ilə birlikdə qələmə aldığı, 21 yanvar 2000-ci ildə ekranlara çıxan türk komediya filmidir. Özen Film, Arzu Film və Tükenmez Kalem birgə istehsalı olan film, 1970-ci illərin tarixi və qəhrəmanlıq mövzulu Yeşilçam istehsallarını lağa qoyan bir parodiyadır. Türkiyədə 2,5 milyondan çox tamaşaçıya çataraq dövrün ən çox izlənən filmləri sırasına girmişdir.

Hekayə, quraqlıq və kenquru hücumları üzündən Avstraliyadan köçən Nacaroğullarının bir itin bələdçiliyi ilə Bizans hakimiyyətindəki Anadoluya gəlməsi ilə başlayır. Kahindən həmin gün doğulan bir uşaq tərəfindən öldürüləcəyini öyrənən imperator İlletyus yeni doğulan körpələrin öldürülməsini əmr edəndə üçəm qardaşlar çaya buraxılır və illər sonra fərqli həyatlar yaşayan qardaşlar intriqalarla dolu bir macəraya sürüklənir. Baş rollarda Mehmet Ali Erbil, Demet Şener, Cem Davran, Hande Ataizi, Sümer Tilmaç və Ayşegül Aldinç yer alır.