Qara İtlər Hürərkən (Kara Köpekler Havlarken) (tərcümə)

Kara Köpekler Havlarken, Mehmet Bahadır Er ilə həyat yoldaşı Maryna Er Gorbachın birlikdə rejissorluq etdiyi 2009-cu il istehsalı Türk dram filmidir. Ssenarisini və prodüserliyini də Mehmet Bahadır Erin öhdəsinə götürdüyü 88 dəqiqəlik film rejissorların ilk tammetrajlı işi olmaq xüsusiyyətini daşıyır və dünya premyerasını Rotterdam Kinofestivalında keçirmişdir. Film Türkiyə miqyasında 19 mart 2010-cu ildə ekranlara çıxmışdır.

Hekayə ailəsi ilə Anadoludan İstanbula köçmüş, məhəlləsinin damlarında göyərçin bəsləyən sadəlövh bir gənc olan Selimi izləyir. Selim dostu Çaça Celal ilə birlikdə Usta dedikləri bir adamın hesabına avtodayanacaq işlədir və öz avtodayanacağına sahib olmağı arzulayır; lakin tanış olduğu Mehmetin təklifi cütlüyün həyatını mafiya ilə iç-içə keçən bir istiqamətə sürükləyir. Şəhərin yeraltı dilinə qulaq verən təhkiyəsi və yenilikçi çəkiliş üslubu ilə seçilən film Antalya və Ankaradakı festivallardan mükafatlarla qayıtmışdır.