İki dil bir çamadan (İki Dil Bir Bavul) (tərcümə)

Orhan Eskiköy ilə Özgür Doğanın birlikdə rejissorluq etdiyi və prodüserliyini üstləndiyi İki Dil Bir Bavul 2008-ci il istehsalı türkcə və kürdcə sənədli filmdir. Film universiteti təzəcə bitirmiş gənc bir türk müəllimin Şanlıurfanın Siverek rayonuna bağlı Demirci kəndindəki ibtidai məktəbə təyin olunmasını və türkcə bilməyən kürd şagirdləri ilə keçirdiyi bir tədris ilini izləyir. Müəllim kürdcə, uşaqlar türkcə bilmədiyindən yaranan ünsiyyətsizlik filmin mərkəzindəki mövzudur.

Çəkilişləri 2007-ci ilin sentyabrı ilə 2008-ci ilin iyunu arasında baş tutan filmin ilk adı Okul Yolunda idi. Dünya premyerasını 21-ci Amsterdam Beynəlxalq Sənədli Film Festivalında edən film Türkiyədə 23 oktyabr 2009-cu ildə nümayişə çıxdı. Altın Kozada "Ən yaxşı film" və "Böyük münsiflər heyətinin xüsusi mükafatı", Altın Portakalda isə "Ən yaxşı ilk film" mükafatlarını qazanan film tənqidçilərdən müsbət rəylər aldı.