Ayrılıq (Ayrılık) (tərcümə)

Die Fremde Feo Aladağın ssenarisini yazıb çəkdiyi 2010-cu il istehsalı alman-türk birgə istehsalı dram filmidir. Almaniyada doğulub böyüyən və evləndikdən sonra İstanbula yerləşən Umay gördüyü zorakılıq üzündən kiçik oğlunu da özü ilə götürərək Berlindəki ailəsinin yanına qaçır. Lakin mühafizəkar ailəsi onu əri tərk etdiyi və namuslarını ləkələdiyi əsası ilə kənarlaşdırır; mühitin təzyiqi altındakı ailədə dərin bir qırılma yaşanır. Umay oğlu ilə birlikdə öz ayaqları üzərində yeni bir həyat qurmağa çalışır.

Baş roldakı Sibel Kekilliyə Derya Alabora, Florian Lukas, Settar Tanrıöğen, Tamer Yiğit, Nursel Köse və Ufuk Bayraktarın yoldaşlıq etdiyi film alman və türk dillərində çəkilmişdir. Dünya premyerasını 2010-cu ilin fevralında Berlin Film Festivalında keçirən film Alman Film Mükafatlarında ən yaxşı film və ən yaxşı qadın aktyor daxil olmaqla bir çox mükafat qazanmış, Almaniyanın xarici dilli film Oskar namizədi olaraq seçilmişdir.